Ատոմային Էներգիայի միջազգային գործակալության կենտրոնակայանում կայացել է «Միջուկային անվտանգության մակարդակի բարձրացումը տեխնիկական և գիտական աջակցող կազմակերպությունների միջոցով. Մարտահրավերներ և հնարավորություններ արագ փոփոխվող աշխարհում» միջազգային համաժողովը:Մասնակցում էին փորձագետներ ամբողջ աշխարհից՝ կիսելու իրենց փորձը, ընդլայնելու TSO-ների տեխնիկական և գիտական կարողությունները, խթանելու նրանց ներդրումը միջուկային և ճառագայթային անվտանգության օբյեկտների գործունեության մեջ: Համաժողովի հատուկ նիստը նվիրված էր TOSCA ին (Technical and Scientific Support Organizations Self Capability Assessment)։ Այս գործիքի նկատմամբ մեծ հետաքրքրություն կա ամբողջ աշխարհում, և շատ ԱԷՄԳ անդամ երկրներ ցանկություն են հայտնել այն կիրառել: 2024 թվականին TSO սեփական կարողությունների գնահատումն ավարտվել է 2 երկրում՝ Հայաստանում և Գանայում։ Կոնֆերանսին մասնակցում էր Միջուկային և ռադիացիոն անվտանգության գիտատեխնիկական կենտրոնի ներկայացուցիչ Մարինա Սիմոնյանը։ Նա ներկայացրեց ՄՌԱԳ կենտրոնի՝ ԱԷՄԳ կողմից ստեղծված գործիքի կիրառման և սեփական կարողությունների գնահատման փորձը: Գնահատման արդյունքները ԱԷՄԳ փորձագիտական խմբի հետ քննարկվել էին նոյեմբերի 19-21-ը Հայաստանում տեղի ունեցած Ազգային աշխատաժողովի ընթացքում։ Փորձագիտական խմբի ներկայացրած եզրակացությունները հիմք կհանդիսանան Գործողությունների ծրագրի մշակման համար։ Marina Simonyan Կոնֆերանսին մասնակցում էր Միջուկային և ռադիացիոն անվտանգության գիտատեխնիկական կենտրոնի ներկայացուցիչ Մարինա Սիմոնյանը։ Նա ներկայացրեց ՄՌԱԳ կենտրոնի՝ ԱԷՄԳ կողմից ստեղծված գործիքի կիրառման և սեփական կարողությունների գնահատման փորձը: Գնահատման արդյունքները ԱԷՄԳ փորձագիտական խմբի հետ քննարկվել էին նոյեմբերի 19-21-ը Հայաստանում տեղի ունեցած Ազգային աշխատաժողովի ընթացքում։ Փորձագիտական խմբի ներկայացրած եզրակացությունները հիմք կհանդիսանան Գործողությունների ծրագրի մշակման համար։
2024 թվականի նոյեմբերի 19-21-ը Միջուկային և ռադիացիոն անվտանգության կենտրոնը և ՀՀ Միջուկային անվտանգության կարգավորման կոմիտեն հյուրընկալեցին Ատոմային էներգիայի միջազգային գործակալության (ԱԷՄԳ) փորձագիտական թիմին՝ Հայաստանում անցկացվող ազգային աշխատաժողովի շրջանակներում։ Աշխատաժողովի նպատակն էր ծանոթանալ սեփական կարողությունների գնահատման TOSCA (Technical and Scientific Support Organizations Self Capability Assessment) գործիքի կիրառման ընթացքին և արդյունքներին: Կենտրոնը ԱԷՄԳ փորձագետներին ներկայացրեց իրականացված գնահատման և SWOT (Strengths, Weaknesses, Opportunities and Threats) վերլուծության արդյունքները։ Ներկայացված վերլուծությունների ու քննարկումների արդյունքում ԱԷՄԳ-ի փորձագիտական խումբը հրապարակեց առաջարկությունների իր հաշվետվությունը, որը հետագայում հիմք կծառայի Գործողությունների ծրագրի մշակման համար: TOSCA գործիքի կիրառման Կենտրոնի փորձը կներկայացվի ԱԷՄԳ-ում՝ ս․ թ․ դեկտեմբերի 2-6-ը, Վիեննայում կայանալիք միջազգային համաժողովի ընթացքում։
