Միջուկային և ռադիացիոն անվտանգության գիտատեխնիկական կենտրոնի մասնագետները մասնակցեցին Միջուկային նյութերի կառավարման ինստիտուտի 66-րդ տարեկան համաժողովին, որը կայացել է 2025 թ․ օգոստոսի 24–28-ը՝ Վաշինգտոնում։
Համաժողովին մասնակցում էին տարբեր երկրների ավելի քան 600 մասնագետ՝ քաղաքականության մշակողներ, գիտնականներ, կարգավորող մարմինների ներկայացուցիչներ և ինժեներներ։ Քննարկվել են միջուկային և ռադիոակտիվ նյութերի անվտանգ, հուսալի և արդյունավետ կառավարման ոլորտում առկա նորարարությունները և մարտահրավերները։
Հանդիպման շրջանակում Կենտրոնի մասնագետ Արփի Խաչատրյանի ներկայացրած զեկույցը վերաբերվում էր բարձր ակտիվությամբ ռադիոակտիվ աղբյուրների ապամոնտաժման, տեղափոխման և պահպանման համար նախատեսված փաթեթավորման նախագծման և գնահատման ծրագրին։ Ներկայացվել են Հայաստանում Կ-120000 իռադիատորից՝ շահագործումից հանված Co-60 աղբյուրների հեռացման աշխատանքները, այդ թվում ռադիակտիվ նյութերի փաթեթավորման նորարարական լուծումը, որը մշակվել է Հունգարիայի և Չեխիայի գործընկերների հետ համագործակցությամբ և ապահովում է աղբյուրների անվտանգ ու կանոնակարգերին համապատասխան տեղափոխումն ռադիոակտիվ թափոնների պահեստարան։
Mr. Karen Haroyan presented a “Case Study on a Radiation Emergency in Armenia with Significant Contamination and Radiological Consequences.” He reviewed the 2009 incident detected at the Armenian-Georgian border, detailing the multi-agency emergency response, radiological assessment, and subsequent recovery operations. The case study underscored the importance of coordinated response mechanisms and highlighted the regulatory improvements introduced in Armenia since the incident.
Միջուկային և ռադիացիոն անվտանգության գիտատեխնիկական կենտրոնի մասնակցությունը INMM 2025 համաժողովին վերահաստատում է Հայաստանի հանձնառությունը միջազգային համագործակցության, կարգավորող դաշտի զարգացման և միջուկային ու ռադիացիոն անվտանգության շարունակական կատարելագործման ուղղությամբ։ Համաժողովը նաև կարևոր հարթակ էր տեխնիկական փորձի փոխանակման, նոր տեխնոլոգիաների ուսումնասիրման և միջուկային անվտանգության համաշխարհային մասնագիտական համայնքի հետ համագործակցության համար։
ՄՌԱԳ կենտրոնը քայլեր է ձեռնարկում միջուկային քրեաբանության զարգացման ուղղությամբ
