Աշխատանքի հրավեր․ Միացեք մեր թիմին

Ֆիզիկոս-հետազոտող՝ միջուկային անվտանգության ոլորտում

Միջուկային և ռադիացիոն անվտանգության գիտատեխնիկական կենտրոնը հրավիրում է որակավորված հետազոտող ֆիզիկոսի՝ միանալու մեր թիմին և իր մասնագիտական գիտելիքն ու փորձը ներդնելու միջուկային անվտանգության ոլորտում իրականացվող հետազոտական, վերլուծական և տեխնիկական աշխատանքներում։

Պարտականություններ

• Միջուկային անվտանգության ոլորտում վերլուծությունների և հետազոտությունների իրականացում։
• Միջուկային կայանների անվտանգության գնահատման հաշվարկային և վերլուծական աշխատանքների իրականացում։
• Ֆիզիկական երևույթների մոդելավորում, հաշվարկային տվյալների մշակում և վերլուծություն, արդյունքների գնահատում։
• Միջուկային անվտանգության ոլորտում նոր տեխնոլոգիաների, ժամանակակից մոտեցումների և զարգացման միտումների ուսումնասիրություն։
• Հայաստանի Հանրապետությունում նոր միջուկային էներգաբլոկների կառուցման հնարավոր տարբերակների և ժամանակակից միջուկային տեխնոլոգիաների անվտանգության հետ կապված հետազոտությունների իրականացում:
• Միջազգային փորձի, գիտատեխնիկական հրապարակումների, անվտանգության ստանդարտների և լավագույն փորձի ուսումնասիրություն ու դրանց կիրառման վերաբերյալ առաջարկությունների մշակում։
• Միջուկային անվտանգության ոլորտի կարգավորող, մեթոդական և խորհրդատվական փաստաթղթերի նախագծերի մշակում։
• Ազգային և միջազգային գիտատեխնիկական ծրագրերին և նախագծերին մասնակցություն։
• Հաշվետվությունների, վերլուծական նյութերի և այլ տեխնիկական փաստաթղթերի պատրաստում։

Պահանջվող որակավորում, մասնագիտական գիտելիքներ ու կարողություններ

• Ֆիզիկա մասնագիտությամբ կամ համապատասխան բնագիտական/ինժեներական բարձրագույն կրթություն։
• Կարող են դիմել մագիստրատուրայի ուսանողները, մագիստրոսի աստիճան ունեցող անձինք, ասպիրանտները և գիտությունների թեկնածուի (PhD) գիտական աստիճան ունեցող մասնագետները;
• Ֆիզիկայի և մաթեմատիկայի հիմնարար գիտելիքներ։
• Վերլուծական մտածողություն և գիտատեխնիկական խնդիրների լուծման կարողություն;
• Հաշվարկային մեթոդների, տվյալների մշակման կամ ծրագրավորման գործիքների իմացությունը կդիտարկվի որպես առավելություն։
• Միջուկային ֆիզիկայի, ռեակտորային ֆիզիկայի, միջուկային ճարտարագիտության կամ միջուկային անվտանգության ոլորտում գիտելիքները կամ հետազոտական փորձը կդիտարկվեն որպես առավելություն։
• Հայերենի ազատ տիրապետում, անգլերենի և/կամ ռուսերենի տեխնիկական իմացություն՝ մասնագիտական գրականության հետ աշխատելու և մասնագիտական հաղորդակցության համար։
• Նոր գիտելիքներ և մասնագիտական հմտություններ ձեռք բերելու պատրաստակամություն։
• Պատասխանատվության բարձր զգացում և թիմում աշխատելու ունակություն։
• Մասնագիտական որակավորումը շարունակաբար զարգացնելու ձգտում։

Մենք առաջարկում ենք

• Հետաքրքիր աշխատանք Հայաստանի միջուկային և ռադիացիոն անվտանգության ոլորտի առաջատար գիտատեխնիկական կազմակերպությունում։
• Գիտելիքները իրական ինժեներական և անվտանգության խնդիրների լուծման համար կիրառելու հնարավորություն։
• Մասնակցություն Հայաստանի գործող և ապագա միջուկային էներգետիկ ծրագրերի անվտանգության հետ կապված աշխատանքներին։
• Մասնագիտացում և շարունակական կատարելագործում միջուկային անվտանգության ոլորտում։
• Փորձառու մասնագետների հետ համատեղ աշխատանք և գիտելիքի փոխանցում։
• Մասնագիտական վերապատրաստումների և միջազգային ուսումնական ծրագրերի մասնակցության հնարավորություններ։
• Մասնակցություն ազգային և միջազգային գիտատեխնիկական նախագծերին։
• Համագործակցություն միջազգային և արտերկրյա գիտատեխնիկական կազմակերպությունների հետ։
• Մասնագիտական և գիտական կարիերայի առաջխաղացման հնարավորություն։

Վարձատրություն

Մրցունակ և բանակցելի՝ կախված թեկնածուի կրթությունից, գիտական աստիճանից, մասնագիտական գիտելիքներից, հմտություններից, աշխատանքային փորձից և իրականացվող նախագծերում ներգրավվածությունից։ Նախատեսվում են նաև պարբերական պարգևատրումներ։

Ինչպես դիմել

Դիմումը և CV կարող եք ուղարկել հետևյալ էլեկտրոնային հասցեին

info@nrsc.am

Խնդրում ենք էլ. նամակի subject տողում նշել «Հետազոտող ֆիզիկոս - միջուկային անվտանգություն»։

ՄՌԱԳ կենտրոնը ողջունում է ինչպես նորավարտ հետազոտողների, այնպես էլ համապատասխան գիտական ​​և տեխնիկական փորձ ունեցող մասնագետների դիմումները։