RAD-MAP նոր ծրագրային միջոց՝ Հայաստանի Ատոմային Էլեկտրակայանի համար

Միջուկային և ռադիացիոն անվտանգության գիտատեխնիկական կենտրոնը մշակել է RAD-MAP հատուկ ծրագրային գործիքը՝ Հայաստանի Ատոմային Էլեկտրակայանի Ճառագայթային անվտանգության բաժնի համար։

RAD-MAP-ի միջոցով կբարելավվի տարբեր տեսակի օպերատիվ խնդիրների կառավարումը աշխատակիցների և հերթափոխերի միջև։ Մասնավորապես, հավելվածը հնարավորություն է տալիս ղեկավարությանը սահմանել հերթափոխերին տրվող առաջադրանքներն ու դրանց պարբերականությունը, կցել համապատասխան ճառագայթաչափական կարտոգրամներ, պահպանել կատարման արդյունքները, հետևել դրանց կատարման ընթացքին, ինչպես նաև ստեղծել տարբեր հարցումներ և հաշվետվություններ։

Հարկ է նշել, որ համակարգը թույլ է տալիս բոլոր չափումների արդյունքները պահպանել տվյալների շտոմարանում՝ առանց դանդաղեցնելու համակարգի աշխատանքը, ապահովելով տվյալների արդյունավետ և վստահելի կառավարում։

RAD-MAP-ի ներդրումը կնպաստի Հայաստանի Ատոմային Էլեկտրակայանի ճառագայթային անվտանգության բաժնի աշխատանքի արդյունավետության բարձրացմանը։