Երևանը պաշտոնապես դիմել է Վաշինգտոնին միջուկային հարցերում համագործակցելու համար, ԱՄՆ-ն ուսումնասիրում է Հայաստանի դիմումը։ Եթե Նահանգները հաստատի հայտը, Հայաստանը կարող է ստանալ ամերիկյան քաղաքացիական միջուկային տեխնոլոգիաներ՝ նոր ատոմակայան կառուցելու համար։ Դիմումը հաստատելու կամ մերժելու հնարավոր ժամկետների մասին ոչինչ չի հաղորդվել։ «Տեղեկատվությունը Հայաստանին փոխանցելու համար հարկավոր է որոշակի պարտավորություններ վերցնել՝ հայկական կողմը պետք է պարտավորություններ վերցնի, և հենց այդ, այսպես կոչված, 123 համաձայնագրի նպատակներից մեկն էլ դա է, որ մենք միանալով այդ համաձայնագրին՝ պարտավորվում ենք ինֆորմացիան, տեղեկատվությունը երրորդ կողմին չփոխանցել», – «Ազատության» հետ զրույցում ասաց Միջուկային և ռադիացիոն անվտանգության գիտատեխնիկական կենտրոնի ղեկավար Արմեն Ամիրջանյանը: Ավելի մանրամասն կարդալ այստեղ։
Կենտրոնի ռադիացիոն անվտանգության թիմի ներկայացուցիչը հուլիսի 22-26-ը մասնակցել է «Միջուկային նյութերի կառավարման ինստիտուտի» 65-րդ տարեկան հեղինակավոր հանդիպմանը, որն այս տարի անցկացվել է ԱՄՆ Պորտլանդ քաղաքում։ Հանդիպման ժամանակ ներկայացվել է կարգավորող հսկողությունից դուրս գտնվող ռադիոակտիվ նյութերի և նախագծային նպատակներով օգտագործման համար ոչ պիտանի ռադիոակտիվ աղբյուրների կառավարման վերաբերյալ ՄՌԱԳԿ-ի փորձը։ Կենտրոնի ներկայացուցչին շնորհվել է «Միջուկային նյութերի կառավարման ինստիտուտի» անդամակցության մեկ տարվա իրավունք և հեղինակավոր «Միջուկային նյութերի կառավարման ամսագրի» թղթակից անդամի և խմբագրի իրավունք։
Սույն թվականի հունիսի 25-26-ը Երևանում կայացավ «Միջուկային և ռադիացիոն անվտանգության կենտրոն»-ի և ԱԷՄԳ-ի ներկայացուցիչների հանդիպումը։ Այցի նպատակն էր ծանոթացնել կենտրոնի աշխատակիցներին նոր ինովացիոն գործիքի (TOSCA) հետ, որը նախատեսված է ազգային կարգավորող մարմիններին աջակցող գիտատեխնիկական կազմակերպությունների կարողությունների ինքնագնահատման համար: Անդամ պետությունների խնդրանքով ԱԷՄԳ-ն համապատասխան աջակցություն կցուցաբերի ինքնագնահատման վարժանքն իրականացնելու համար։
By the decision N 326 of March 7, 2024, the Government of the Republic of Armenia approved the document “Parameters that are subject for review during assessment and expertise of environmental impact of objects important for atomic energy purposes” developed and authored by the Nuclear and Radiation Safety Center. The document provides basis for environmental radiological impact assessment of objects important for atomic energy purposes during normal and potential emergency situations taking into account internationally approved approaches.
ՄՌԱԳԿ ներկայացուցիչը 2024 թվականի հունվարի 15-18-ը մասնակցել է Վիեննայում կազմակերպված «Second Regional Coordination Meeting» on IAEA RER9157 թեմայով միջազգային աշխատանքային հանդիպմանը։ Հանդիպման ընթացքում քննարկվել են պրոյեկտի շրջանակներում կատարված աշխատանքները և պլանավորվել է 2024-2025 թվականներին իրականացման ծրագիրը։
ՄՌԱԳԿ ներկայացուցիչը 2024 թվականի հունվարի 9-10-ը մասնակցել է Տաջիկստանի Դուշանբե քաղաքում կազմակերպված «International CBRN Response and Assistance» թեմայով միջազգային աշխատանքային հանդիպմանը։ Հանդիպման ընթացքում քննարկվել են միջուկային/ռադիոակտիվ նյութերով պայմանավորված միջադեպերին արձագանքման ազգային պլանին վերաբերող հիմնախնդիրները։
Կենտրոնի մասնագետը մասնակցել է Փոքր մոդուլային ռեակտորների ստանդարտիզացման և հարմոնիզացման Կարգավորող Մարմինների բաժնի Նախագծի նախա-լիցենզավորման գնահատման խմբի աշխատանքային հանդիպմանը։ Խմբի կողմից քննարկումների արդյունքում մշակվել է նախա-լիցենզավորման փուլում ՓՄՌ ռեակտորների նախագծի միջազգային գնահատման մեթոդաբանության լրամշակված նախագիծը։
Կենտրոնի ներկայացուցիչը մասնակցել է ԱԷՄԳ-ի կողմից կազմակերպված «Safety of Radioactive Waste Management, Decommissioning, Environmental Protection and Remediation: Ensuring Safety and Enabling Sustainability» թեմայով միջազգային համաժողովին, որի նպատակն էր հարթակ ստեղծել փորձի ու տեղեկատվության փոխանակման համար՝ քննարկելու ռադիոակտիվ թափոնների կառավարման, շահագործումից հանման, շրջակա միջավայրի պաշտպանության և հարթակի վերականգնման բնագավառում անվտանգության չափանիշների մակարդակները, ինչպես նաև անվտանգության ու կայունության միջև փոխհարաբերությունները։ Համաժողովի ժամանակ ներկայացվեց «Improvement of the regulatory framework in the field of radioactive waste management in the Republic of Armenia։ Challenges in implementation of radioactive waste management program, policy and strategy» թեմայով զեկույց՝ ընդգծելով ռադիոակտիվ թափոնների կառավարման բնագավառում կարգավորող դաշտի մշակման և/կամ կատարելագործման ժամանակ անվտանգության և կայունության միջև հավասարակշռություն գտնելու կարևորությունը։
