Հետք մեդիա գործարանն անդրադարձել է Հայաստանում ռադիոակտիվ թափոնների պահպանության ու կառավարման խնդիրներին։
Ֆիլմն ուսումնասիրում է Հայաստանում միջուկային թափոնների և շրջակա միջավայրի անվտանգության բարդ, կարևոր և զգայուն հարցը։ Հայաստանում տասնամյակներով կուտակվել են ռադիոակտիվ թափոններ, և երկիրը պիտի լուրջ քայլեր ձեռնարկի դրանց երկարաժամկետ կառավարման, պահեստավորման և հանրային առողջության և շրջակա միջավայրի վրա ազդեցության ռիսկերի վերահսկման ուղղությամբ։
Միջուկային և ռադիացիոն անվտանգության գիտատեխնիկական կենտրոնի, միջուկային կարգավորման կոմիտեի մասնագետների հետ հարցազրույցների միջոցով ֆիլմը բացահայտում է երկրի առջև ծառացած մարտահրավերները՝ ներկայացնելով այսպես կոչված «ռադիոակտիվ ժառանգության» վիճակը Հայաստանում, թափոնների պահպանության հետ կապված խնդիրները, ռիսկերը, պատասխանատվությունը, ընդունված և չիրականացված որոշումները և միջազգային փորձը։
Ուշադրություն հրավիրելով հաճախ անտեսված խնդրի վրա՝ ֆիլմը ևս մեկ անգամ հիշեցնում է, որ Հայաստանում ռադիոակտիվ թափոնների կառավարման, շրջակա միջավայրի պաշտպանության, թափանցիկության և միջուկային էներգիայի ապագայի վերաբերյալ անհրաժեշտ են բաց քննարկումներ և անհապաղ լուծումներ։
