ԱՀՎ աշխատանքները ՀԱԷԿ-ի համար սկսվել են 2002 թ.-ին, երբ Կենտրոնը ստեղծեց Ռիսկի գնահատման խումբը (ՌԳԽ), որն առանցքային դեր ունի ՀԱԷԿ-ի ԱՀՎ աշխատանքների իրականացման մեջ: Կենտրոնի ՌԳԽ-ի հիմնական գործառույթները հետևյալն են.

• ԱՀՎ մոդելների մշակում
• ԱՀՎ մոդելների կիրառություն ռիսկ-տեղեկացված որոշումների կայացման համար,
• ԱԷԿ սարքավորումների հուսալիության պարամետրերի ժամանակից կախված փոփոխության վերլուծություն («ծերացման» ազդեցության գնահատում),
• միջուկային անվտանգության ոլորտում ազգային կարգավորող պահանջների նախագծերի մշակում,
• ԱՀՎ-ի վերաբերյալ ուսումնական դասընթացների իրականացում,
• համագործակցություն ԱՀՎ բնագավառի հեղինակավոր կազմակերպությունների հետ:

ՌԳԽ-ն ակտիվորեն մասնակցել է ՀԱԷԿ-ի 2-րդ էներգաբլոկի համար ԱՀՎ մոդելների մշակման գործընթացին, մասնավորապես, խմբի մասնագետները մասնակցել են ԱՀՎ հետևյալ հատվածների մշակմանը.

• ներքին սկզբնական ազդակներ,
• ներքին հրդեհներ,
• արտաքին վտանգներ (բացառությամբ սեյսմիկ վտանգը):

Անվտանգության հավանականային վերլուծության շրջանակում կատարվում է նաև հակահրդեհային պաշտպանության գնահատում:

Ներկայումս ՌԳԽ-ն կիրառում է հրդեհի մոդելավորման երկու ծրագրային կոդեր՝ CFAST և SYLVIA կոդերը: CFAST ծրագրային կոդը կիրառվում է ԱՀՎ-ի հիմնական խնդիրների լուծման համար, իսկ SYLVIA-ն` հրդեհի դեպքում օդափոխության համակարգերի մանրակրկիտ վերլուծության համար: