Միջուկային և ռադիացիոն անվտանգության գիտատեխնիկական կենտրոնի ռադիոլոգիական լաբորատորիայի առաջատար մասնագետ Սաթինե Վարդանյանը մասնակցել է ԱԷՄԳ կազմակերպած շահագործումից հանված ռադիոակտիվ աղբյուրների ցանցի (DSRS-Net) տեխնիկական հանդիպմանը։
Հանդիպման նպատակն էր խթանել անդամ պետություններում շահագործումից հանված ռադիոակտիվ աղբյուրների (DSRS) անվտանգ կառավարման ոլորտում միջազգային համագործակցությունը ։ Հանդիպման ընթացքում զեկույցներով հանդես են եկել ինչպես կազմակերպիչների, այնպես էլ մասնակիցները՝ ներկայացնելով իրենց փորձը DSRS-ի կառավարման բնագավառում։
Ատոմային էներգիայի միջազգային գործակալության փորձագետները ներկայացրեցին բնագավառում գործող ծրագրերը, մասնագիտական ֆորումներն ու հարթակները, ինչպես նաև ԱԷՄԳ-ի տարբեր էլեկտրոնային գործիքները (eTools), որոնք ստեղծված են աջակցելու անդամ պետություններին՝ բնագավառում կարողություններ զարգացնելու համար։
Հանդիպման ժամանակ ավելի մանրամասն ներկայացվեցին IAEA Network ում ներառված տարբեր մասնագիտական ֆորումները։ Դրանց նպատակն է՝ ստեղծել համատեղ հարթակ անդամ պետությունների համար, որտեղ կներկայացվեն և կտարածվեն բնագավառում ազգային կարողություններն ու փորձը, կքննարկվեն խնդիրները, միջազգային լավագույն փորձը՝ ինչպես այլ պետությունների, այնպես էլ ԱԷՄԳ-ի համապատասխան մասնագետների հետ։ Հարթակների միջոցով հնարավոր է ստանալ նաև ԱԷՄԳ-ի աջակցությունը՝ տարբեր ծրագրերի շրջանակներում։
Ֆորումները միտված են միավորել փորձագետների, կարգավորող մարմինների, օպերատորների և գիտահետազոտական հաստատությունների ներկայացուցիչների՝ խթանելով գիտելիքների փոխանակումն ու միջազգային լավագույն փորձի կիրառումը։
ՄՌԱԳ Կենտրոնի ներկայացուցիչը ներկայացրել է Հայաստանի փորձն ու մասնագիտական ներուժը շահագործումից հանված ռադիոակտիվ աղբյուրների կառավարման ոլորտում։ Նման հանդիպումները կարևոր են, քանի որ նպաստում են միջազգային փորձագետների հետ համագործակցությանը, գիտելիքների փոխանակմանը, հնարավորություններ ստեղծում քննարկումներ կազմակերպել ու ու համատեղ նախաձեռնություններ իրականացնել։
Հայաստանի համար այսպիսի հնարավորությունները առավել քան կարևոր են, քանի որ տարիներով երկրում կուտակվել է աշխատած միջուկային վառելիք, որի երկարաժամկետ ու անվտանգ կառավարման համար անհրաժեշտ են անհապաղ քայլեր։
Այլ նորություններ
